افضل منتجات ماك

السلام عليكم 

اليوم بتكلم عن منتجات ماك اللي تستاهل الشراء من وجهة نظري 

اذا كنتي جديده في عالم الميكاب او اذا دخلتي ماك تحتاسين وودك تشترين كل شيء 

ان شاء الله يكون هذا الموضوع مفيد لك ، راح اخذ الاسعار من موقع ماك واحولها للريال السعودي ، ما اعرف اسعار ماك في السعوديه لان مقاطعتهم من فتره وكل مره اشتري من الموقع لانه ارخص 

تكلمت عن الفاونيشن هنا

نبدا اول شيء ينحط على الوجه وهو البرايمر 

فكس بلس هذا المنتج ضروري يكون عندك ، هو اول شيء اشتريه من ماك 

استخداماتها كثيره ، اذا تبين الفاونديشن يكون ديوي بخي على الفرشه منه ، او عندك بورده منكسره تقدرين تصلحينها فيه 

سعره في موقع ماك 83 ريال

. . كونسيلر . .

كونسيلر برو لونق وير Pro Longwear Concealer سعره ٧٦ ريال
من اكثر الكونسيلارات اللي تنمدح دايما في الانستقرام و اليوتيوب 
اذا بتستخدمينه تحت العين لا تستخدمه بشكل يومي 

 . . الاضاءه . .

اضاءة سوفت اند جنتل سعرها 121 ريال

الاضاءه هذي خياليه اشهر من نار على علم لازم تجربونها 

. .  بودرة . .

بودرة منرلايز سكن فنش ناتشورال سعرها 121 ريال 

من اشهر منتجات ماك مرررره حلوه 

. .  بلاشر . .

بلاشرات ماك البودر مرره حلوه سعرها 82 ريال

بلاشر ميلبا Melba

بلاشر بيتشي Peaches

بلاشر جنجرلي Gingerly

. . برايمر العين . .

بينت بوت برايم للعين Paint Pot in Painterly سعره ٨٠ ريال تقريبا
تستخدمينه قبل الايشادو منها يوحد لون الجفن و يمسك الايشادو لوقت طويل 

. . افضل فرش ماك . .

فرشة الدمج MAC 217 Blending Brush سعرها 91 ريال
من افضل فرش ماك وهي من افضل 10 منتحات مبيعا 
مرره حلوه وكل من جربها يقول صعب تحصل بديل لها 

دو فايبر برش MAC 187 Duo Fibre Face Brush سعرها 160 ريال تقريبا 
مرره احبها هذي الفرشه مع اني اول ماشريتها كرهتها اول لاني ما عرفت استخدمها وغير كذا حسيت ملعوب علي لان شريتها باكثر من 200 ريال 

الكنتور بروش سعرها 133 ريال 

واخيرا اكيد الانقل بروش سعرها 76 ريال 
. . .

ماودي اتكلم عن الايشدوهات ولا الارواج لانهم مرره مشهورين و غير كذا فيه كم هائل من الالوان صعب اتكلم عنهم