السلام عليكم
موقع درق ستور من احب المواقع لي اولا لان اسعارهم جدا جميله وفوق كذا يسوون تخفيضات وثانيا عندهم موقع للهاي اند ميكاب فيه نارس و اربن ديكي وشركات كثيره ، يعني تتسوقين مكياج درقستور ومكياج هاي اند مره وحده بدون حوسة راس
بحط لكم اخر الاشياء اللي شريتها من الموقع + انطباع اول ايش حبت وايش كرهت
بسم الله نبدا
كلور تاتو من مايبلين ، سامعه عليه مدح من زمااااان وحابته مرره من المدح بس توي اشتريه الحين سعره 21 ريال
هذا من اول مانزل وكل البنات يسوون عنه رفيو في اليوتيوب ويقولون انه عاجبهم ما ادري اذا الشركه ارسلته لليوتيوبرز و صدق عاجبهم ، ما اقدر احكم عليه لاني استعملته مره وحده بس ، اخذت درجه 105 اللون حسيته تكه اصفر ، درجتي في ماك مابين NC25 NC30 بالعربي لو فيه درجه NC27 بتكون هذي درجتي المناسبه .
كونسيلر مايبلين فيت مي اخذت الدرجه 10 و 20
درجه 10 كانها تكه على وردي ،اول مره شريته من زمان جدا واذكر اني ماحبيته وليش ما ادري فقلت اشتريه مره ثانيه يمكن احبه لان كثير في اليوتيوب و المدونات يمدحونه ، سعره 16 ريال
روج من ميبلين المجموعه الجديده ، مرررره خيالي ، يجنن بجد يجنن
من كثر ماهو حلو امي صادرته لها ، وانا ان شاء الله برجع اطلب منه كذا حبه سعره 22 ريال
برضوه كونسيلر من ميبلين ، الفتره الاخيره كان عندي فقر في الكونسلير فقاعده اشتري اي كنسيلر احس انه كويس او سمعت عنه مدح ، اخذت درجتني لايت وميديم ، درجه لايت على تكه وردي ودرجة ميديم على اصفر ، سعر الواحد 26 ريال
فوانديشن كوفر قيرل ، هذا الفونديشن حامت كبدي منه وعفته ، اشتريته على مدح اليوتيوبرز انه للبشره الدهنيه وكذا بس المشكله في اللون كل الدجات على وردي ، ليشش طيب ليشش والناس اللي على اصفر شيسوون !!
اشتريت منه درجه 842 وحسيتها فاتحه و على وردي ورجعت اطلب 3 درجات اللي في الصوره ونفس الشيء على وردي :/ ، خصوصا درجة 850 مرررره ورديه
الزبده اذا بشرتك على اصفر ابعدي عنه ترى يصير شكلك كانك حاطه طحين على وجهك >< .
الاسفنجه هذا ما ادري ايش وضعها بالضبط ، كان عليها تخفيض وشريت من 3 حبات ، لي ولامي ولصديقتي ، انا للحين ما استخدمتها بس صديقتي عجبتها مررره 22 ريال
واخر شيء فرش ريل تكنيك اشهر من نار على علم ، عندي مجموعة الوجه والعين قلت اكمل كل الفرش ،لان جد جميله وسعرها ولا اروع
وبس .
حبيت المشتريات مره أكثر شي بهرني الأسعار !!
ردحذفكونسيلر ميبلين ب٦٥ وبعض الاحيان ب٧٠ بالانستقرام وكمان الارواج شي رهيب
أكثر شي تحمست له بعد كريم أساس لوريال من حماس البنات عليه واليوتيوب دائم يتكلمون عنه هالفترة
ياريت تسوين لنا ريفيو بسيط بعد ماتجربينه
.
.
شكراَ لك
مره ملعوب علينا في الاسعار من المحلات ومن الانستقرام :/
حذفان شاء الله اسوي ريفيو قريب عن لوريال مات
شكرا لك :*
حبيبتي انا طلبت من فور ايفر مثل م سويتي بالفيديو بس عندي سؤال كيف اعرف انها وصلت بريدي الامريكي وكيف ارسلها منه ؟
ردحذفاول ماتوصل شركة بريدك بترسل لك رساله على ايميلك ،
حذفوكيف ترسلينها لبيتك هذي يبي لك تكتبين في قوقل اسم الشركه حقت بريدك وتلقين منتديات كثيره مثل البوابة الرقميه فيها اعضاء شارحين هذا الشيء .
عندي فيزا وعندي بريد أمريكي من ورلد شيب بس مو قادره اطلب متخوفه علشان ماعندي لغة ..
ردحذفعادي حبيبتي جدددا اللغه مو عائق ، عندك ترجمة قوقل مرره يساعد ، غير كذا فيه ناس كثر شارحين طريقه الطلب بالتفصيل ، وطريقة الطلب تتشابه بين المواقع
حذفقولي لي اسماء المواقع اللي تبينها وبحاول اشرحها ان شاء الله .
معليش ممكن تكتبي طريقة الطلب !!
ردحذفهل في شحن مباشر ؟
ردحذفايش هو رابط الموقع؟
ردحذف