تجربتي في الطلب من موقع مورفي برشز

السلام عليكم 

سمعتم عن مورفي بروشز :) !! كل اليوتيوب طايحين في هذي الشركه الجديده 

الكل يمدح الفراشي حقتهم و الايشادو ، الايشادو حقهم يشبه ماك وميكاب قيك تشتريها مفرقه وتعبيها في باليت زي ماتحبين وغير مذا سعر الايشادو الواحد ٢ دولار يعني ٧ ريال سعودي 

ومن اربع شهور جاكلين هيل سوت معهم باليت و ما امداني اطلبه وصار سولت اوت 

والحمد لله دجعوه الحين بس بشروط ان الشخص الواحد يطلب باليت واحد فقط و الطلب بيتاخر 

عاد انا ماصدقت رحت طلبت على طول ، حطيت عنواني في امريكا الشحن و الفواتير زي بعض ، وعبيت بينات الدفع وسويت طلب ، بس الصدمه انهم سحبوا مني المبلغ وكنسلوا الطلب ، ليش !! لان عنوان الفواتير غير عنواني في البنك ، بغيت اصيح صراحه اول مره تصير معي كذا 

بحثت ولقيت ناس يقولون ادفعي من الباي بال ومابتصير مشكله ، رحت وسجلت في الباي بالي و فعلت حسابي ورجعت اطلب من موقع مورفي وسويت نفس الشيء عنوان الفواتير والشحن زي بعض و الحمد لله قبلوا الطلب ، بس استناهم يشحنونه وان شاء الله ما يكنسلوه مره ثانيه 

هذا هو الباليت اللي طلبته سعره 27.99$ دولار ، اول ما يوصل ان شاء الله اصوره وانزله 

طريقه تعبئة البيانات 

وبعدين نختار الشحن ، فيه خيارات مره كثيره بس انا اخترت ارخص شيء

وهنا الخطأ اللي انا سويته في اول مره اني اخترت الدفع من الكارد مباشره 

والافضل تختارين الدفع من الباي بال ( هذي الطريقه اللي جربتها ما اعرف اذا فيه طريقه ثانيه غيرها )

ان شاء الله عرفت اوصل الفكره 

:: تحديث ::

وصل الباليت لبريدي في امريكا وهذا تتبع الشحنه 

باقي اشحنه للسعوديه بس في كذا طلبيه استناها وبشحنهم سوا ان شاء الله 

سلام ،