السلام عليكم
طبعا لكل شخص ستايل الكلاسي و البسيط والفنكي الخ
اليوم ان شاء الله ابدا سلسلة تدوينات عن ستايل اشخاص معيني
واليوم بتكلم عن تايلور سويفت , احب ستايلها كلاسك وبسيط واليقنت في نفس الوقت
بعرض ستايلها من بداية 2014 الى الحين
البنت بتقدس الفساتين وخصوصا القصيره منها , وطبعا بتحب الحزمات
شنطها تجنن هي الاغلب بتعتمد على Shoulder Bag , شنطها هنا من D&G واليسر من تودز
الشوز ايش اقول وايش اخلي البنت ذويقه في الشوز , بحب الكعب القصير
دائما بتلبس نظاره من Ray-Ban , ومن قصت شعرها وهي بتحب Headband
شايفين الشوز في اول صوره من اليسار من كيدز مره مريح يصلح للجامعه او المدرسه وخصوصا للي يمشون كثر
المسميات اذا تبي تبحثي عن قطع قريبه من ستايلها /
الفستان Skater Dress , Flare Dress , Shirt Dress
شوز Bonnie Pumps , Oxford Pumps , heeled oxfords
شنطه Dolce & Gabbana Sara Pebbled Frame Shoulder Bag
النظاره Ray-Ban Classic Wayfarer
ماقدرت اقاوم وما اجمع لكم الاسود في صورة وحده * فيس يصيح *
انا بحب الاسود وكل شيء اسود والاسود عليها يجنن
ادري احنا الحين شهر 8 في عز الصيف , بس جبت لكم صورها في الشتاء على اساس تشوفوا قد ايش هي انيقه حتى في اختيار الجاكيتز
طلاتها على الريد كاربت
تايلور من المشاهير اللي اتحميس دايما اشوف ايش لبست على الريد كاربت لان ادري حتكون اليقنت وماراح تجيب العيد
حبيت طلاتها الاربع كلها
اول طله على اليمين , اول ماشفتها كنت شويه واصيح لان جد جد اليقنت بتجنن , خصوصا الشوز
ثاني طله حبيها مرره احس بلبس كذا من بسيطه وجميله
اول طله من اليمين , حبيت تدرج البيج
ثاني طله جميله وبسيطه
اخر طله حبيها كلها الا الشيرت ماعجبني اببد
ياحبها لتطليع سيقانها هههههههه , تنسيقها للقطع ومرتب
ثاني طله من اليمين جممميله وحددها اليقنتت وكمان حبيت الثنوره اول وحده من اليسار
الختام /
الحممد لله خلصصت , من الصبح وانا اجمع في الصور واختار
ان شاء الله يعجبكم البوست , وذا عندكم اي اقتراحات او اي فنانه تبون انزل ستايلاتها
قولولي تحت , باي
ليست هناك تعليقات:
إرسال تعليق