السلام عليكم
اليوم بتكلم عن خمس منتجات ندمت اني شريتها
ما اقول لا تشترونها بس اذا احد فيكم ناوي يشتري منتج من هذ المنتجات يفكر ويبحث قبل يشتريها
اول منتج
تشقير الحواجب من بوتس , اخذته على المدح
مشكلته لازم يطلع لي التشقير اصفر جربت اخليه 10 دقايقه وربع ساعه ومره خليته 30 دقيقه ونفس الشيء يطلع اصفر
كذا بنت تمدحه وتقول تشقير مايبين اما انا ما ناسبني ابد
ثاني منتج
ايلاينر من مكياجي
كمان قريت عليه مدح ورحت شريته اخر شيء طلع مخيس
مستحيل يثبت من مدمع العين يدخل فيها , وحسس لي عيني
جد جد ندمت اني شريته , هي مره وتوبه
ثالث منتج
البايو اويل
استخدمه وما اشوف اي نتيجه وتركته في الدرج اكثر من سنه
بعدين قريت وحده في الانستقرام تقول النتيجه تبان في 3 شهور
ندمة اني شريته لان ما استفدت منه ابد
رابع منتج
برايمر من ريفلون
اللي قريته انه للبشره الدهنيه وماشفت هذا الشيء , احطه وكاني ماحطيت شيء
ابي اشتري برايمر ثاني بس ما احب اشتري شيء لين اخلص اللي عندي
هذا حاولت فيه بس مو راضي يخلص اخر شيء رميته في الدرج
المنتج الاخير ( معليش نسيت اصوره )
روج من ريفلون درجة 010 PLUM
هذا اللون الوحيد عندي من هذي المجموعه واخر لون احسه كريمي بزياده ويلمع
كم مره حاولت احطه بس ماش ما اتقبل شكله وتركته في الدرج شبه جديد
لين جاء اخوي الصغير واكل نصه هههههه , سوا فيني خير صراحه
. . . .
اذا سمعتي مدح عن منتج ابحثي اكثر عنه او طريقة استخدامه قبل تشتريه عشان ماتندمي مثلي .
ليست هناك تعليقات:
إرسال تعليق