السلام عليكم
اليوم حبيت اجرب اطلب من موقع اويشو oysho التركي ، واقارن التجربة بموقع اويشو الاسباني
طلبت قبل من الاسباني ٧ قطع وكان سعرها ١٢٦ يورو تقريبا ٥٣١ ريال ، الشحن داخل اسبانيا كان سريع ثلاث ايام اعتقد ووصل لحسابي في شوب اند شيب
صوره من الطلب
اسعار ايشو الاسباني ارخص من التركي بشي بسيط
بس في شوب ان شيب فليكس الشحن من تركيا ارخص من الشحن من اسبانيا الى السعودية ، فقلت اجرب
طلبت بيجاما مكونه من قطعتين
سعرها في السعوديه :
سعر القطعتين عندنا في السعودية ٣٠٨
سعرها في اسبانيا :
انا استعمل فيزا تسوق الراجحي وسعر صرف اليورو عند الراجحي 4.31 ، سعر القطعتين ١٧٧ ريال
سعرها في تركيا :
سعر صرف الليره التركية عند الراجحي هو 0.71 ، سعر القطعتين 184.67 ريال سعودي
طبعا الاسعار عندنا نااار ، في اسبانيا ارخص من تركيا بشيء بسيط .
توكلت على الله وطلبت من ايشو التركي ، الشحن مجانا للطلبات فوق ٩٩ ليره
ان شاء الله احدث الموضوع اول ماتوصل لشوب اند شيب
:: تحديث ::
اليوم الجمعه ٥ ابريل وصلت الشحنه لشوب اند شيب ، وزنها 0.36 kg ،لاني مشتركه في خدمة فليكس بيكون اول ١٠٠ قرام بـ ١٩ ريال وكل زيادة ١٠٠ قرام بيكون بـ ٢ونص ريال يعني شحنها تقريبا ٢٦ ريال بدون ضريبه.
ان شاء الله احدث الموضوع اول ماتوصل الشحنه للرياض .
:: تحديث ::
امس ١٣ ابريل الظهر وصلتني الشحنه، رسوم الشحن + الضريبه بـ ٣٢ ريال .
لو سمحتي ممكن سوال وش احط بخانة الهوية ؟
ردحذفكيف اطلب من الموقع موباين لي اضافة في السلة ولا المقاسات
ردحذفعفواً الموقع مبين عندي دخلت على اويشو التركي ممتاز ، لكن اللي اقصده التطبيق تبعهم ابد ماعرفت احصل المقاس والسلة ! هل لازم من نفس المتصفح وموقعهم .؟
ردحذفنفس مشكلتي
حذفلما اكتب عنواني ف الموقع التركي يجي خطأ وان العنوان طويل !! ياليت تقولين لنا كيف كتبتِ العنوان
ردحذفنفس المشكله ، العنوان التركي طويل ولا قدرت اجزئه ،
ردحذفاذا ممكن تفيديني بمقاسات البرا كيف اعرف مقاسي لان مقاساتهم تبدأ ب ٨٢ طبعا اقصد الاسباني
ردحذف