تجربتي في طلب ايفون 6S PLUS سعة 64 من موقع ابل الامريكي

السلام عليكم 

شخباركم ؟! ، اشتقتوا لي :) !

من زمان جدا عن المدونه ، تقويبا 6 شهور !! تخيلوا !!

المهم ان اليوم دخل المدونه بعد انقطاع 6 شهور يمكن ، ولقيت تعليقات كثيره من شهوين ثلاثه وانقهرت صراحه لان مارديت عليهم في وقتها ، ابي اقول لكل من استفسر ولا رديت عليه وقتها انا اسفه جدا جدا :/ .

اليوم بتكلم عن تجربتي في طلب ايفون 6S PLUS سعة 64 ، من موقع ابل الامريكي .

اول شيء السالفه بدت العام ، يوم امي شرت ايفون 6 بلس سعة 16 ، بسعر 3500 

المهم انا انقهرت من السعر وقلت لها لو انتي طالبته من برا كان بهذا الشعر شريتي سعة 64 ، تخيلوا !! 

والسنه هذا يوم اعلنوا عن الايفون الجديد ، امي اعجبها اللون روز قولد ، وجاتني بفلوسها 3500 قالت اطلبي لي روز قولد بلص السعه 64 ، طبعا انا ماقد طلبت من موقع ابل ، قلت لها ترى يمكن مايقبلون البطاقه السعوديه او بريد اعادة التوجيه ، قالت عادي جربي المهم طلبته في تاريخ 14 سبتمبر ، وقعد حالة الطلب تحت المعالجه تقريبا 3 اسابيع طول هذي الاسابيع وانا ادعي مايكنسلون الطلب لان فيه ناس كثيره تكنسلت طلباتهم بس الحمد لله في يوم 6 اكتوبر ارسلوا لي رقم التتبع .

انا استخدمت فيزا تسوق الراجحي و البريد MYUS وحطيت عنوان الفواتير وعنوان الشحن مثل بعض .

هذا صورة الفاتوره اول ما طلبته :

سعر الايفون ٨٤٩ + الضريبه ٥٩.٤٣ = ٩٠٨.٤٣ دولار ، تقريبا ٣٤٥٢ ريال .

وهذي صورة تتبع الشحنه من المصنع في الصين إلى بريدي في امريكا :

بعد ثلاث ايام وصل إلي بريدي في امريكا ، وفي نفس اليوم طلبت شحنه للسعوديه على فديكس وهذي صورة التتبع من بريدي في امريكا إلى بيتي في السعوديه في اربع ايام :

انا كنت شاحنه الايفون مع مكياج و شموع ما اقدر اقول بالضبط كم كلفني شحن الايفون بس يمكن لو بتشحنين الايفون لحاله بيكلف تقريبا من ١٥٠ إلى ١٩٠ مو اكثر من كذا اتوقع .

وبس ان شاء الله اكون افدت احد :* .

SnapChat : moneerah14
Insta : moneerahxo