السلام عليكم
جايبه لكم اليوم منتج شريته من كثر المدح عليه ، كنت متخيلته منتج خرافي وافضل فاونديشن من كثر المدح
ولا ما شفت احد يذمه قبل اشتريه .
ملاحظه : بشرتي مختلطه دهنيه مع التي زون وعاديه باقي الوجه .
الجمعة، 19 أغسطس 2016
الخميس، 12 نوفمبر 2015
محاوله فاشله في الطلب من موقع باك سون Pacsun
السلام عليكم
كيفكم !!
موقع باك سون من المواقع اللي تعجبني مرره ملابسهم
حاولت اول مره اطلب منهم بالفيزا السعوديه و بريد ماي يو اس وسحبوا المبلغ بس ماتمت العمليه ، الى يومكم هذا والمبلغ معلق .
ثاني مره قلت بطلب من ما يو اس من البرسونال شوبر.
البرسونال شوبر هذا اذا فيه موقع رفض بطاقتك او رفض يشجن الى بريد اعادة التوجيه ، تروحين للبرسونال شوبر وتدخلين معلومات المنتج وسعره واشياء زي كذا وتصير شوكة ماي يو اس تطلبه لك ويأخذون عموله ١٠ دولار .
المهم رحت وطلبته من البرسونال شوبر ، بعد يوم جاتني رساله من ماي يو اس تقول ان الموقع رافض الطلب و انهم ما يشحنون لشركات اعادة التوجيه وكذا .
الحل الوحيد للي تبي تشتري من باك سون هو اختيار دولتك من الموقع و يشحنون لك الموقع مباشره .
الاثنين، 9 نوفمبر 2015
تجربتي في الطلب من موقع باث اند بودي ووركس
السلام عليكم
من فينا مايحب شموع باث اند بودي ووركس !!
انا احبهم بس استخسر فيهم ١٠٠ ريال صراحه ، واللي يقهر يوم ادخل موقعهم الامريكي واشوف تخفيضات او عروض دائما .
الشمعه الوحده في الموقع سعرها ٨٥ ريال ، ومع العروض تصير ٤٥ ريال ، المهم ان جاء اليوم اللي قررت فيه اطلب منهم ، طلبت ٣ شموع وكان مجموعهم ١٣٥ ريال بس ، كانت حاجه حلوه بس اللي ماحسبت حسابه هو الوزن :/ .
كلفتني في الشحن ٢٧٠ ريال يمكن ، تخيلووا !! ، يعني لو شاريه من الرياض كان اصرف ، عاد تبت اطلب شموع من برا .
لان السبب الاساسي اني قاعده اطلب من بلد ثاني ان المنتجات تكون مو متوفر او متوفره بس سعرها زياده الدبل عن الدول الثانيه .
استخدمت في الدفع بطاقه الراجحي مسبقة الدفع ، وعنوان myus ، حطيت عنوان الشحن نفس عنوان الفواتير وبس :) .
السبت، 17 أكتوبر 2015
تجربتي في طلب ايفون 6S PLUS سعة 64 من موقع ابل الامريكي
السلام عليكم
شخباركم ؟! ، اشتقتوا لي :) !
من زمان جدا عن المدونه ، تقويبا 6 شهور !! تخيلوا !!
المهم ان اليوم دخل المدونه بعد انقطاع 6 شهور يمكن ، ولقيت تعليقات كثيره من شهوين ثلاثه وانقهرت صراحه لان مارديت عليهم في وقتها ، ابي اقول لكل من استفسر ولا رديت عليه وقتها انا اسفه جدا جدا :/ .
اليوم بتكلم عن تجربتي في طلب ايفون 6S PLUS سعة 64 ، من موقع ابل الامريكي .
اول شيء السالفه بدت العام ، يوم امي شرت ايفون 6 بلس سعة 16 ، بسعر 3500
المهم انا انقهرت من السعر وقلت لها لو انتي طالبته من برا كان بهذا الشعر شريتي سعة 64 ، تخيلوا !!
والسنه هذا يوم اعلنوا عن الايفون الجديد ، امي اعجبها اللون روز قولد ، وجاتني بفلوسها 3500 قالت اطلبي لي روز قولد بلص السعه 64 ، طبعا انا ماقد طلبت من موقع ابل ، قلت لها ترى يمكن مايقبلون البطاقه السعوديه او بريد اعادة التوجيه ، قالت عادي جربي المهم طلبته في تاريخ 14 سبتمبر ، وقعد حالة الطلب تحت المعالجه تقريبا 3 اسابيع طول هذي الاسابيع وانا ادعي مايكنسلون الطلب لان فيه ناس كثيره تكنسلت طلباتهم بس الحمد لله في يوم 6 اكتوبر ارسلوا لي رقم التتبع .
انا استخدمت فيزا تسوق الراجحي و البريد MYUS وحطيت عنوان الفواتير وعنوان الشحن مثل بعض .
الاشتراك في:
الرسائل (Atom)